تجربتي مع عملية الانف Rhinoplasty عند الدكتور اولكر مناف باشي

هاي

أنا دانا من لبنان جيت اسطنبول أعمل عملية  تعدل المشكلة يللي بمنخاري لانو الطرف اليسار عندي مسكر و ما بلقط نفس غير من الطرف اليمين بالإضافة للشكل و متلما بترفوا الصبايا بيهمون موضوع الشكل كتير و المنخار صاير بنص الوجه و اول ما تضرب عينك عحدا بتصوب عمنخارو دغري بدون ما تحس و اي ديفو صغير بالمنخار بيظهر دغري.

هلأ أنا أنفي مش بشع الحمد لله بس من وقت ما كنت زغيرة كانت عيلتي تسلم عليي و تشدني بصابيعا من انفي ما بعرف اذا هية السبب اللي عملت عوجة بمنخاري بس هيدي العوجة كانت عم تزيد مع الوقت  و خلتني مش راضية عن شكل انفي يمكن ما تسدقوني اذا قلتلكون ضليت فكر سنة بالعملية انو اعملا و لا لاء بس بالاخير دعيت ربنا و قويت قلبي و قلت بعملا و بخلص من التردد حكيت مساعدة الدكتور اولكر و كانت متعاونة كتير و حبوبة طلبت مني صور كرمال تعطي فكرة مبدئية للدكتور و فعلاً حددنا موعد العملية بناءاَ على الصور و حالة التنفس يللي بعاني منها.

جدول الدكتور كان كتير عبيان و ما في مجال غير يوم الاربعا و المشكلة بالشغل ما عطوني اجازة قبل يوم التلاتا تأعمل معاينة يعني هيك نحصرت تكون المعاينة بنفس يوم العملية و قبلا بساعتين جيت و كنت كتير خيفانة لانو هيدي اول مرة بعمل عملية و فوقيها المعاينة قبل العملية بساعتين بس.

الدكتور اولكر اسم الله عليه كان كتير مريح و طمني انو مشكلتي مانا كبيرة متلما كنت مفكرة و قال انو كتير من المرضى بيعملوا العملية بهدف (تحسين التنفس) قبل الهدف التجميلي و انو نتيجة العملية مش تغيير جذري بشكل الانف انا اطمنت بهيدا الكلام و فتت العمليات وصلني جوزي لحد الباب و تحملني كتير يخليلي ياه.

و لمن طلعت من العملية كنت كتير موجوعة و بردانة و عم ارجف كمان هلأ هيدا الشي بعد العملية طبيعي و عادي على علمي لكن ما بيمنع اني توجعت و بعد ما فك البنج بلشت حس حالي عم اتنفس من منخاري اليسارلأول مرة بحياتي سدقوني بكيت و قلت الحمد لله عهالنعمة و بس شفت الدكتور قلتلو: " when I waked I felt that this is the first time I’m breathing "

بتشكر الدكتور من كل قلبي و المساعدة و الكادر الطبي و كل اللي ساعدوني و ما تركوني و الفضل لله و عقبال كل اللي بدون يعملوا عملية.