تجربتى مع عملية شفط الدهون الى عملتها من عشر ايام بالظبط

تجربتى مع عملية شفط الدهون الى عملتها من عشر ايام بالظبط الحقيقة انا فكرت اكتبلكم عشان بنات كتير و انا اولهم بصراحة بنبقى مترددين جدااا قبل اى خطوة نعملها و بنتنمى نلاقى حد ينصحنا بالتجربة الفعلية

هقولكم اول و اهم حاجة ان شفط الدهون مش بيعالج السمنة ولا بينزل فى الوزن لكنه عبارة عن تعديل لشكل الجسم الممتلئ و دة بيعمل حاجتين اولا بيخليكى تلبسى حاجات كان صعب تلبسيهم مع السمنة الموضعية(الى هى تراكم الدهون بصورة كبيرة و غير متانسقة مع منطقة واحدة فى جسمك) ودة كان عندى فى بطنى رغم انى ولدت مرة واحدة من 3 سنين لكن بطنى كانت كبيرة و منزلتش سنتيمتر بعد الولادة لدرجة ان كل الناس حتى قرايبى كانوا بيفتكرونى حامل تانى و دة كان مسببلى ضيق و احراج فى شغلى و قدام جوزى طبعا لانى فضلت البس لبس الحمل او اى حاجة تشبهه عشان اخبى منظر بطنى

العملية دى بتبقى مشجعة جداااا لامثالى الى ملهمش صبر على الدايت بمعنى انى بعد العملية جسمى مظهره اتحسن ككل و بقى الزيادة زيادة عامة سهل تنزل لانى اتخلصت من المنطقة الاساسية و الكمية الكبيرة

انا دورت كتير لانى انا بفكر اجيب ولاد تانى انشاء الله عشان كدة عملت شفط بس بدون شد و دة مش هكدب عليكو نتج عنه بعض الترهلات بس شكلها مقبول حمدلله و قررت مع الدكتور بتاعى انى ممكن اعمل الشد بعد الولادة الاخيرة لتجنب الاثار الجانبية للشد مع الحمل

الحمدلله استقريت على الدكتور اولكر مناف باشي الجراح التركي المشهور  عرفته من النت برضه و رحتله بعد 3 دكاترة تانيين لكن هو اكتر حد ارتحتله و اتفااهمت معاه

 يوم العملية رحت الدكتور كان مدينى معاد العملية الساعة 5 مساء  وكان لازم اكون في المشفى الساعى 3 العصر

عشان يجهزوني قبل العملية رحت صايمة قبل ست ساعات وعملت التحليل و قابلني دكتور البنج 

و جه دكتور التخدير و هو بصراحة كويس جدا و اتفاهمنا ان البنج الموضعى مش مناسب ليا لان نسبة الدهون الى هتتشفط منى هتكون كبيرة و اتفقنا يكون كلي و ادونى حقنة مهدئة للاعصاب و هما واخديني غرفة العمليات او بمعنى اصح منومة عشان مبقاش مشدودة فى العملية

برضه الدكتور قالى ان اقصى حد هيقدر يشيله منى هو 8 لتر و الحقيقة هو شفط 9

وطلعت نتيجة التحاليل

و دخلت اوضة العمليات وماشفتش اي حاجة  و توكلت على الله

بعد ساعات مش عارفة كم ساعة صحيت و لقيت نفسي في غرفتي و جايبيلي  كمية دهون فى وعاء جنبى بجد اتخضيت

و لللامانة

  طبعا كانو ملبسنى كورسيه فظيع جدااا العملية قعدت ساعتين و نص بس كانت مطمئنة حمدلله لانى طلعت فايقة وتاني يوم الصبج جاه الدكتور و اطمن عليا  و ادونى روشتة ادوية مضاد حيوي ومسكن للالم وشوية فيتامينات  و الساعة 12 الظهر كنت لابسة هدومى و ماشية على رجلى و روحت

لما روحت البيت  كان تاثير المسكن راح و ابتدى الالم و الزرقان فى الجسم كله و طبعا مكنتش قادرة امشى كويس رغم ان الجروح صغيرة جدا بالظبط الجرح اقل من 2 سم و احقاقا للحق الكورسيه نفسه مؤلم و الوجع شديد لكنه محتمل و بيستمر اول اسبوع و بعدها بتكون الدنيا تمام و الوجع اقل

اخطائى كانت انى متبعتش نظام الادوية بانتظام و دة تعبنى جداا لان الجسم فعلا بيتهز من الدهون الى اتسحبت و بيكون فى حالة عطش و هبوط لو متبعتوش الادوية و السوائل زى تعليمات الدكتور و الحقيقة انا كنت مهملة شوية و دة اثر عليا و طول فترة الهبوط لكن لما انتظمت حسيت حمدلله بتحسن

طبعا الجسم متورم جداااا و مش دى النتيجة النهائية لكن بصراحة و ماشاء الله الشكل اختلف 180 درجة لبست كل بلوزاتى و حسيت انى انسانة تانية و جسمى رجع زى الاول و ثقتى بنفسى اختلفت

فضلت لابسة الكورسية 10 ايام متواصل و اليوم العاشر قلعته و استحميت و بقيت مسموحلى اقلعه كل يوم ساعة اريح جسمى و استحمى و ادهن مضادات للتورم و البسه تانى و ادعولى انا لسة جسمى مزرق و مورم و نفسى اشوف النتيجة بس الحقيقة الدكتور قالى متستعجليش لان جلدك حساسا جدااا و التعافى عندك هيكون ابطأ يعنى مش قبل 3 شهور عشان جسمك يرجع طبيعى

بالنسبة للتكلفة هى بتتكلف من 3500 دولار الى 6000 دولار حسب المنطقة و الكمية

بالنسبة لاحساسى بعدها بقول حمدلله و يارتنى ما اترددت لحظة عشان اعملها