اجريت عملية شد لمحيط الجسم (عملية التورسوبلاستي) لدى الدكتور اولكر مناف باشي
مرحبا بيكم انا عمري 55 سنة اجريت عملية بايبس للمعدة من حوالي سنتين و نزلت من وزني 40 كيلو و الحمد لله لكن للأسف ظهر عندي ترهل في جسمي بعد العملية عشان كده قررت اخضع لعملية شد للبطن و الايدي و الارجل
القصة بدأت لما شفت وحدة من صاحباتي اصغر مني بعشر سنوات عندها خمس اولاد بسم الله ما شاء الله راحت اسطنبول و خضعت للعملية و رجعت لينا بنتائج مذهلة!!!
الفكرة في عملية الشد ان الجلد المترهل بيتقص و يتشال من الجسم و بعديها تحسي انك رجعتي اصغر في العمر يعني الموضوع لا يقتصر على انقاص الوزن و إنما على شكل الجلد
انا خدت من صاحبتي كل التفاصيل عن موضوع العملية و المدة اللي تحتاجها عشان ترجع لحياتها الطبيعية و قالتلي ان المبيت في المشفى ليلة واحدة كافية و ان الراحة لمدة اسبوع بس
صاحبتي تيجي اسطنبول كل صيف عشان تتفسح و المرة دي قررت تاخدني معاها عشان توقف جنبي في المحنة دي
جينا العيادة و قابلنا مساعدة الدكتور تتكلم عربي و متفهمة جداً قالتلي بحكم خبرتها ان وضع صاحبتي يختلف شوية عن وضعي عشان هية كان الترهل عندها متركز في البطن بحكم انها كانت حامل اكتر من مرة بينما موضوع الترهل عندي متركز على محيط الجسم يعني من جهة البطن و الظهر بردو و ده ممكن يتطلب عملية الحزام او التورسوبلاستي و في النهاية الدكتور هو اللي يدينا الخيار الافضل و يقولنا اذا كانت عملية التورسوباستي او عملية الشد هية العملية المناسبة لي
لما الدكتور جانا عشان المعاينة قال لنا ان عملية التورسوبلاستي هي الانسب عشان الخط الناجم عن قص البطن مش لازم يوقف في مكان و يكون بعده في جلد متراكم زي اللي كان عندي و في النهاية القرار النهائي يرجع للمريض اذا كان عايز يعمل عملية شد البطن حتى لو ما كانتش مناسبة . أنا طبعا ما قبلتش الا اخود في نصيحة الدكتور عشان هو صاحب خبرة و لو نظرة
توكلت على ربنا و جيت يوم العملية مع صاحبتي و دخلت العملية و مش هدخلكم في قصص التحاليل و التحضير للعملية و في الآخر خرجت من العملية و حسيت فبرد شديييد ما سبنيش الا بعد ما تلج جسمي و رحت نايمة بعدها عشان ادوني مسكن الم.
انا بكلمكم اليوم و مضى على عمليتي تلات اشهر و الحمد لله مبسوطة اوي من النتيجة عشان أقدر البس تيشرتات و بنطلونات و سبت التنانير و بنصح اي حد عنده فائض كبير في الجلد ما يضحكش على نفسو في الرياضة .. الرياضة مفيده اه لكن ما عندهاش القدرة انها تزيل حجم الجلد الزائد ده كله
ألف حمد و شكر ليك يا رب و شكرا ليكم على الاصغاء و القراءة