خضعت لعملية تكبير للصدر باستخدام السيليكون مع الدكتور اولكر مناف باشي
شكرا على قبولي في المنتدى
أنا عمري 32 و أم لطفل عندي مشكلة محرجة لهاد السبب ما نزلت اسمي الحقيقي. صدري صغير و دايماً بلبس صدرية حشوة دبل حتى بخجل غير تيابي قدام رفقاتي البنات و لهاد السبب انتظرت لجيب أول طفل و قررت بعدها أعمل عملية تكبير صدر باستخدام السيليكون لأنو سمعت أنو الحشوة بتأثر على حبل الإرضاع و بتعمل مشاكل في الرضاعة لكن لما عملت معاينة عند الدكتور اولكر أكدلي أنو هاد الموضوع مالو أي علاقة بالإرضاع
المترجمة يللي كانت معو ساعدتني كتير و جاوبتني على معظم بالاستفسارات يللي طرحتا على الدكتور قبل المعاينة حتى حسب خبرتا بالعمليات
الاستفسار الأول و الأهم هو الحجم أنا بدي يكون حجم صدري بعد العملية طبيعي و بنفس الوقت تكون حشوة السيليكون كبيرة شوي لحتى تعطي فرق بالصدر لكن نصيحة الدكتور كانت انو اختار حجم اصغر يناسب جسمي و يعطي شكل طبيعي و ما يسبب أي آلام بالمستقبل لحتى اتجنب هي المخاطر التزمت بتعليمات الدكتور
العملية كانت بعد المعاينة بيومين استنيت بفارغ الصبر لاني متشوقة شوف النتيجة. هي أول مرة بعمل فيها عملية و كنت خايفة كتيير من التخدير بس شكلو دكتور التخدير خبرة ما شالله سألني كتير اسئلة عن العمليات يللي عاملتا قبل و اذا في امراض بعاني منها و الادوية يللي بستخدما بشكل عام
اجت الممرضة فتحتلي الوريد لاخود منو الانتي بيوتيك و مسكن الالم و سحبتلي دم مشان تعمل تحليل و بعدا اجا الدكتور اخد قياسات للصدر و حددلي مكان القص و أكدلي أنو السيليكون رح يكون تحت العضلة.
قال لي بشوفك بغرفة العمليات و ودعني كان كتير محترم و صريح بتعاملو قبل العملية و بعد العملية اجا تاني يوم خرجني من المشفى و اكدلي انو لازم انتبه لحركة ايديي بحيث ما يكون فيها اجهاد و ما العب رياضة لبعد شهر وطلب مني التزم بمضاد الالتهاب و مسكن الالم.
رحت المشفى بعد تلات ايام من تاريخ العملية عملت مراجعة و شلت اللزقات البيضا و خبرني الدكتور انو صار فيني اتحمم اعتباراً من بكرا. تشكرتو كتير و قلتلو بشوفك بالعملية الجاية انشالله لأن أنا ناوية أعمل عملية لأنفي لكن منتظرة ارتاح شوي من عملية الصدر بركي تكون عالعطلة الانتصافية ان شاء الله.
الف الحمد و الشكر لله صار فيني البس صدرية بدون حشوة و البس اي فستان بدي ياه
بشكر الدكتور اولكر و المساعدة و الكادر كلو
و انتظروني بعد سنة لنزلكون تجربتي بعد عملية الانف
إقرأ أيضاً
عملية تجميل الثدي