تجربتي في نحت الجسم بعملية واحدة لشفط الدهون و شد البطن عند الدكتور اولكر مناف باشي
يسعد صباحكون جميعا
انا من سوريا عمري 42 سنة و مقيمة بالسعودية من عشر سنين و من وقت ما جيت السعودية و انا عم فكر اعمل عملية شد بطن و شفط للدهون لأني عاملة عملية تكميم معدة خسرت على أثرها عشرين كيلو و صار عندي ترهل بمنطقة البطن و حواليها، لكن بسبب تركيز قسم كبير من وزني برجليي ما ضعفوا رجليي بالقدر الكافي لهيك قررت أعمل شفط دهون عند الدكتور اولكر يللي سمعت اسمه بشكل كبير بالفترة الأخيرة.
بعد ما اخدت موعد من المنسقة يللي بتشتغل مع الدكتور رحت و شفتو قال بينعمل شد بطن و شفط دهون للرجلين و اقترح عليي كمان أعمل شفط للايدين أنا فكرت أنو طالما داخلة عالعمليات و رح اخضع للتخدير فشو المانع!!! قلتلو تمام و دخلت العملية لحالي ما خبرت حدا لأنو كل يللي حواليي كانوا معارضين فكرة العملية و خبرتون أنو نازلة سياحة. طلعت بردانة كتير بس بعرف من خبرتي السابقة أنو هاد الشي طبيعي استنيت لحتى راحت البرودة طلبت منهون اشرب مي. شربوني الممرضات و اعتنوا فيني لحد ما طلعت تاني يوم بعدما اجا الدكتور و قال فيني غادر المشفى. اجيت بعد خمس ايام شالولي الدرين يللي بيصرف السوائل و طمنوني انو الوضع تمام و عطتني مساعدة الدكتور شوية ملاحظات مشان الغذاء و الرياضية و اكدتلي على ضرورة لبس المشد.
أنا التزمت بكل هي التعليمات و انتظرت فترة حتى يخف الورم و هلأ بعد شهرين شعرت بالفرق الحمد لله و الفرق عم يزيد مع الوقت، طبعاً خبرت أهلي يللي كانوا معارضين للعملية لأنو عم يشوفوني كيف ما عم اشلح المشد يعني ما عاد في مجال خبي عليهون بس ما عاد يحسنوا يحكوا هلأ لأنو شافوا النتيجة بعيونون.
الحمد لله أنا مبسوطة من العملية و من الدكتور و مساعدينو كلون و خاصة الأخصائية يللي ضلت معي و ما تركتني أبداً طول فترة وجودي بالمشفى اي حدا عندو استفسار يترك تعليق لجاوبو.
???? و الحمد لله دائماً و أبداً ????
